ពាក្យសូរដូចគ្នា តែមានន័យខុសគ្នា ៖ កា ការ កាណ៌ និង ការណ៍
ជ្រុងមួយនៃអក្សរសាស្ត្រខ្មែរ
ពាក្យសូរដូចគ្នា តែមានន័យខុសគ្នា ៖ កា ការ
កាណ៌ និង ការណ៍
- កា (
ន. ) បំពង់សម្រាប់ដាក់ទឹក ធ្វើដោយលោហធាតុផ្សេងៗ
ឬដោយដីលាយព័ណ៌ ឧ. កាទឹក ។
( កិ. ) សរសេរអាសយដ្ឋាន
គឺសរសេរចុះឈ្មោះលំនៅអ្នកដែលនឹងទទួលសំបុត្រ នៅស្រោមសំបុត្រដែលនឹងផ្ញើទៅ
ឧ. កាស្រោមសំបុត្រ; សរសេរថែមសេចក្ដីផ្សេងៗ
លើខ្នងសំបុត្រជាសញ្ញា ឧ. កាខ្នងសំបុត្រ ។
- ការ
( កិ. ) មូរសរសៃសូត្រ, សរសៃអំបោះជាដើមដោយខ្នារ ឧ. ការសូត្រ, ការអំបោះ...។
( កិ. ) បិទបាំង, រាំងរា,
ឃាត់ខាំង, ការមិនឲ្យសត្រូវចូលមក,
ការខ្លួន, មេមាន់ការកូន...។
( កិ. ) រៀបចំអាវាហវិវាហមង្គល, ផ្សំផ្គុំបុរសនិងស្ត្រីឲ្យបានជាគូស្វាមីភរិយា ឧ. ការកូន, ការក្មួយ, ស៊ីការ...។
បា.; សំ. ( ន. )
(កាយ៌ ឬ ការ្យ) កិច្ច ឬ អំពើដែលត្រូវធ្វើ ឧ.
ធ្វើការ, មានការ, ការអ្វីខ្លះ ?
( ន. )
ពាក្យសម្រាប់ប្រើដាក់ខាងដើមពាក្យដែលជាកិរិយាសព្ទផ្សេងៗ
ដើម្បីធ្វើឲ្យទៅជានាមស័ព្ទ ដូចជា :
សំពះ (កិ.)
ការសំពះ (ន.) ជាដើម ។
- កាណ៌
សំ. ( ន. ) (កណ៌ “ត្រចៀក”) សព្វថ្ងៃប្រើជារាជសព្ទ ឧ. ព្រះកាណ៌ “ត្រចៀកស្ដេច” ។
- ការណ៍ សំ. បា.
( ន. ) (ការណ) ហេតុ, ដំណើរ ឧ. ទាស់ការណ៍ហើយឯង, សេចក្ដីរាយការណ៍ ។
Comments
Post a Comment